يغنيك عن كثر الحكي مجمل ابـيـات
ومن يـاخـد المضمـون يلقى الادلّـه
تدري وش اللي يقتل الحب بسكـات ؟؟
لاصــرت فــي بوحك تحس بمذلّـه
وتـدري وش اللي يكسـر الظهر حزات؟؟
لامن عطيت احساس مـا هـو محـلـه
وتـدري مـتى تستاهل الطعن مـرات؟؟
لا مـن خطيت الدرب وانتـه تــدلّـه
لا تـتـبع المـقـفي على كل حــالات
بـعـض الـوجيه اللي تقابلـك عـلّـه
ولا تـسـال الغالي عن الجـرح لافـات
نـبش الحكـي يـزوّد الطيــن بـلّه
طـالـع في من حولك وتاخذ شهـادات
مـانلتـها لو تـدرس الدهـر كــلّه
ناس تجر من اسـود الضيق ونّـات
ونـاسٍ تـقـضـيها ونـاسه وفـلّه
هـذاك شــال هموم غيـره ولا بات
وهــذاك مايدري عن احساس خلّـه
احـدن يهيـن اصلـه عـلى كل زلات
واحدن تـرومه شـيـمتـه ماتزلّــه
لا تقـول حظي من عنا الوقت قد مـات
قـل مات حظ اللي عنـاه اســتحلّـه
ولا ضاقـت الدنيـا وعلى الكيف ما جات
اطلق احـجاجـك ثـم توكـل على الـلّه
ومن يـاخـد المضمـون يلقى الادلّـه
تدري وش اللي يقتل الحب بسكـات ؟؟
لاصــرت فــي بوحك تحس بمذلّـه
وتـدري وش اللي يكسـر الظهر حزات؟؟
لامن عطيت احساس مـا هـو محـلـه
وتـدري مـتى تستاهل الطعن مـرات؟؟
لا مـن خطيت الدرب وانتـه تــدلّـه
لا تـتـبع المـقـفي على كل حــالات
بـعـض الـوجيه اللي تقابلـك عـلّـه
ولا تـسـال الغالي عن الجـرح لافـات
نـبش الحكـي يـزوّد الطيــن بـلّه
طـالـع في من حولك وتاخذ شهـادات
مـانلتـها لو تـدرس الدهـر كــلّه
ناس تجر من اسـود الضيق ونّـات
ونـاسٍ تـقـضـيها ونـاسه وفـلّه
هـذاك شــال هموم غيـره ولا بات
وهــذاك مايدري عن احساس خلّـه
احـدن يهيـن اصلـه عـلى كل زلات
واحدن تـرومه شـيـمتـه ماتزلّــه
لا تقـول حظي من عنا الوقت قد مـات
قـل مات حظ اللي عنـاه اســتحلّـه
ولا ضاقـت الدنيـا وعلى الكيف ما جات
اطلق احـجاجـك ثـم توكـل على الـلّه